A descuberta deste pergamiño debeuse ao azar. Ocorreu cando
o comerciante de libros antigos Pedro Vindel o encontrou na súa biblioteca en
1914 servindo de forro a un exemplar do De officiis de Cicerón, do século XIV
con encadernación do século XVIII.
O pergamiño desapareceu pouco tempo despois de se descubrir,
créndose perdido durante moitos anos. Porén, o pergamiño fora adquirido a Pedro
Vindel polo diplomático e musicólogo Rafael Mitjana, quen o depositou na súa
biblioteca de Uppsala, cidade sueca onde residía por aquel entón. Tras a súa
morte, en 1921, a biblioteca pasou á súa viúva e posteriormente foi vendida
polos seus herdeiros. Despois de varias vicisitudes, o pergamiño foi adquirido
polo bibliófilo Otto Haas e posto á venda en Londres polo seu colega Albi
Rosenthal. Finalmente foi comprado pola Pierpoint Morgan Library de Nova York,
onde se conserva desde 1977.
A primeira noticia do descubrimento foi dada a coñecer por
Pedro Vindel, en febreiro de 1914, na revista Arte Español. Ao ano seguinte, en
1915, o libreiro publicou a primeira edición facsímile do manuscrito.
Entre os meses de outubro do ano 2017 e marzo do ano 2018, o
pergamiño Vindel exponse no Museo do Mar de Galicia, situado na cidade de Vigo.
CERTAME VINDEVÍDEOS
Entre os meses de outubro do ano 2017 e marzo do ano 2018, o
pergamiño Vindel exponse no Museo do Mar de Galicia, situado na cidade de Vigo.
CERTAME VINDEVÍDEOS
Para dar a coñecer o Pergamiño Vindel participamos no certame Vindevídos con estes dous traballos.