O alumnado de 6º de Educación primaria da nosa escola ven de participar no VI Certame de Micro-relatos, organizado polo concello de Ourense. Resultou finalista con mención especial, pola súa orixinalidade, por dar importancia á comunicación entre avós e netos, e pola súa redacción o alumno de 6ºB, Hugo Mosquera Alonso, polo seu micro-relato:" Transformador de paisaxes"
NORABOA HUGO!!!!!
Hugo coa súa titora Yolanda
A continuación podedes disfrutar do RELATO:
TRANSFORMADOR DE PAISAXES
"Voulles
contar o relato dun neno chamado Xurxo que cree que en Galicia non hai nada
especial. Non me credes? Isto é o que sempre di:
-Vaia
sitio,só hai árbores e máis árbores.
Xurxo
é de Pereiro de Aguiar e ao mirar pola ventá só ve monte. Un día,cando xa estaba case durmido,nun abrir e pechar de
ollos contemplou diante da súa cama unha máquina que tiña de nome
“Transformador de Paisaxes”.Por curiosidade, Xurxo quixo montar nese artefacto.
De
súpeto,viu unha luz moi forte que o deixou medio cego . Cando volveu a abrir os ollos, observou unha paisaxe que
se semellaba ás Bahamas. O marcador
indicaba o seu nome:“Illas Cíes”.
-Encántame
este sitio!-dicía Xurxo.
O
neno premeu o botón para cambiar de lugar. El esperábase algo moi bonito,pero
aparecéuselle diante un monte completamente negro con toda a súa vexetación
queimada . No marcador dicía :“Serra dos Ancares”.
-Quen faría algo tan horrible?
A
partir de ese momento, Xurxo coida o seu monte e di que é un tesouro."
HUGO
MOSQUERA ALONSO .6ºB.
CEIP
AMADEO RODRÍGUEZ BARROSO.
Ningún comentario:
Publicar un comentario